【專題籽】放棄月薪五萬 唔做EO寫小說

更新時間 (HKT): 2016.01.24 05:20

【專題籽:胚芽故事】
這兩個月,政府工面試進行得如火如荼,身邊的朋友也買定西裝,希望得到呢份筍工。同一時間,我正訪問兩位八九十後,問他們為何離開政府往外闖,EO寧願寫小說,Programmer轉投start up公司工作。同事問:「係咪要放大佢哋嘅血淚史,講政府點衰點衰?」墨汁有幾黑,大家都知道,再重複,只為獵奇。我更關心的,是將要加入墨汁裏的清水,最終被制度同化,立即變黑?還是負隅頑抗,出淤泥而不染,甚或淡化烏黑,改變政府。

朋友(連上司)成日話,考到EO(行政主任),半隻腳已踩入人生勝利組。我睇睇入職申請表,月薪二萬幾,濕濕碎啦,咪我人工嘅兩倍左右囉。直到睇到EO晉升表,先發覺做政府工,真係錢途無限。筆名為「望日」的謝文傑,現年32歲,畢業於觀塘瑪利諾書院,擁有科大土木工程哲學碩士學位,他通過CRE(公務員綜合招聘考試)、爭贏二萬多個投考者,2007年加入政府,擔任二級行政主任。六年間,他晉升為一級行政主任,三十出頭,月薪近五萬,兩年前居然劈炮唔撈,轉行寫小說,連我聽到都搖頭嘆息。唔係講笑,開EO個薪酬表望吓,你就知道誘惑幾大,一級行政主任再升上去,就係高級行政主任,月薪六萬幾至九萬幾;好彩再升一級,做總行政主任,月薪更是十萬起跳。睇到十萬呢個數字,我葡萄到關掉瀏覽器。

公務員hea做文化 牢不可破

工作六年 儲蓄達百萬

EO月薪高,工作六年多,他已儲得百萬積蓄,難得父母沒反對,遂決定辭職,全心寫作。「我會覺得香港好現實,冇錢乜都做唔到。如果做咁多年嘢,唔考慮父母需要,係好自私。我全職寫小說,沒有收入,都有畀家用,唔希望影響到父母嘅生活,但佢哋好體諒,同我講唔夠錢使,可以唔畀。有時夜闌人靜,我都會緬懷一下,每個月袋幾萬蚊,不知幾好。見到同事去旅行、買樓,我會想,如果冇放棄呢份工作,呢啲事我隨時可以做。𠵱家寫小說,寫咗兩年都未出名,會擔心啲書唔好賣。」回想辭職的決定,「已經返唔到轉頭」,他並不後悔,自己未能在政府貫徹的初衷,他冀望新入職者勿忘,「畢業後,以人工為考量,可能是合理的。但你選擇這份工作,就要對得起自己,不要純粹為了錢,馬虎工作。我覺得未必改變不了政府,但要大家一起合力,要多些新入職同事,一起有這種想法,才能成事。」

合約Programmer:嚴重落後慢半拍

近年政府外判大量職位給中介公司,1991年出生的陳浩軒(Nelson),大學畢業後擔任合約初級程式編寫員(Junior Programmer),在沙田康文署工作了一年,發現外判工作,雖然受薪於中介公司,但官僚作風,與政府一脈相承。以他負責處理的軟件為例,最新的軟件版本,已經出到6.X,而在政府內部用的版本,還是2.X。「新版本通常會修正舊有問題,但政府怕更新完,有新問題產生,如果他們看不到舊版有問題,偏向不處理,比較短視。」

思想保守 難與外界接軌

果然好玩 籽在四方,即like「果籽」FB專頁!
BannerBanner