【不再流浪】80後情侶兩貓一狗同居 單眼貓張保仔融入家中

更新時間 (HKT): 2017.04.19 05:20

醫療燒錢事小 最重要係有耐性

不過Mavis直言,坊間不少人都抗拒領養有傷患的動物,因為錢是最大的考慮,「要持續打針食藥,還要絕育,會有心理準備至少花一萬數千,預咗可能燒錢。」當時他們帶張保仔看完獸醫之後,就要決定是否做手術移除眼球,之後還要食藥,花了四千元左右。不過錢也是事小,反而三隻貓狗同一屋簷下,才令他們感到難以適應。張保仔來臨後的數月,都要多花時間照顧,Mavis說:「佢左眼失明原來真係睇唔到好多嘢,例如將食物放喺手掌,佢不停聞,聞完成個手掌但都睇唔到食物,不停黏我手指。」於是他們把食物放在沒有雜物的當眼處,連開門都要小心盡量走在張保仔的右邊。Kim:「起初領養牠,一害怕就會起爪,爪到我成身損晒,只會黐着同類,又不會上我們的床睡覺。」最深刻是張保仔的習性與其餘兩隻很大分別,例如有天二人放工發現張保仔排便排在自己的飯兜,「不知是否牠流浪慣了,冇去貓砂廁所的習性,唔同金仔,佢會周圍屙,所以花了很多時間去教育。」講到底,最重要有耐性。

身體力行證明 流浪貓狗夾得嚟

起初金仔與肥仔都有點抗拒張保仔,直至相處大半個月才接納新成員,「會教佢哋唔可以蝦佢,如果唔係就冇零食,慢慢都相處得好融洽。」前後一年時間去教育,現在張保仔與兩貓狗甚至會一齊玩和睡,Mavis更笑說:「現在牠們兩個都遷就張保仔,打架都會讓牠。反而肥仔有時會呷醋,見到我哋掛住同佢玩就會一臉認真皺眉頭的樣子,張保仔好似做咗大佬咁。」不少人擔心貓狗相處不來,他們就證明領養貓狗不是難事,反而奇怪旁人帶着奇異的目光,Kim:「曾經有朋友上嚟探我地,會驚奇有流浪貓,會話『咦仲係冇眼嘅』,會覺得好奇怪。」Mavis:「但其實三隻貓狗都健康過、曾經靚過,只係依家老咗冇人要。我哋唔會揀品種,反而會諗有甚麼動物少人願意領養,要幫就去幫佢哋。」不少人都寧願選擇買和養一隻靚和健康的品種,他們就身體力行證明即使是領養的貓狗,不只能夠同一屋簷下,更同樣值得被愛和尊重。

果然好玩 籽在四方,即like「果籽」FB專頁!
BannerBanner