Panasonic邀請盃
陳肇麒射爆熱刺 南華笑蝕

更新時間 (HKT): 2009.08.03 06:00
南華開季首戰勇挫英超球隊熱刺,陳肇麒(前排左起)、李海強及文彼得捧盃時表現興奮。<br/>王子俊攝

南華繼去年擊敗洛杉磯銀河及祖雲達斯後,昨日在Panasonic邀請盃中,藉炎熱天氣之助,憑前鋒陳肇麒下半場的「有運金球」,加上李海強的12碼,以2:0擊敗收起多名主力的熱刺,還令後者成為首支在今夏訪亞洲吃敗仗的英超隊。

陳肇麒:呢球記一世

射入金球的陳肇麒賽後興奮說︰「前鋒有機會便起腳,沒想到會射得咁靚,的確有運,這球一世都記得;領隊(金判坤)之前的地獄式訓練,確實提升了我們的體能,在今日酷熱天氣下比賽仍能應付。」由於這場比賽在外國也有直播,肇麒被問及會否被英超球探發掘時笑說︰「如將來有機會到日本踢已很開心,沒想過可以去英超。」南華擊敗熱刺後,球員可獲30萬元的獎金作獎勵。

羅傑承對票房失望

南華近季撼外隊唔輸蝕

Panasonic邀請盃昨日賽果

天水圍飛馬周年紀念盃昨日賽果

花絮:文彼得識換波衫

同英超球隊踢波,交換波衫當然唔少得,南華新貴李威廉當然唔執輸,想向艾朗連儂埋手,可惜對方唔騷佢,轉移目標問丹尼路斯,又慘食多次「檸檬」;反而文彼得(左)就醒啦,下半場初段就同羅比堅尼(右)講定先,咁咪唔使面懵懵囉!

花絮:貴價玻腳玩3分鐘

據報300萬年薪嘅玻利維亞國腳卡斯迪路(圖),前日落機時仲話狀態大勇,南華領隊金判坤仲聲大大話會畀佢落場;係就係有落場,但臨完場前3分鐘先換入嚟,同熱刺嘅奧哈拉撞咗吓就完場,唔通真係等對傑志場慈善盾先見真章?

花絮:熱刺狂迷貓咗搞事

英格蘭嘅球迷出晒名鍾意搞事,一班懷疑飲大咗嘅熱刺迷,噚日輸咗波後唔願走,仲衝落球場,好在工作人員捉得快;有個激進派仲唔知衰,臨走仲要拎啤酒潑工作人員,好在差人叔叔大人有大量,如果唔係拉晒佢哋都有之!

花絮:擁南躉傳唔到旗

擁南躉賽前用幾萬蚊整咗面火紅大旗,上面寫埋「亞協盃南華必勝」,諗住今場攞出嚟打氣,仲聲言話會傳旗傳勻全場,點知最後不了了之。點解?梗係啦,成班熱刺球迷坐正喺隔籬,真係睬你都儍!

球迷反應

包羅萬有,「體」得舒服,即Like「蘋果體育」FB專頁!
BannerBanner