歐國盃求驗客:百呎「鶴神」邪法國 - 求驗客

更新時間 (HKT): 2012.06.09 00:00

英格蘭喺今屆歐國盃未開波,衰嘢接二連三咁嚟,主力逐個唔踢得,最新一個輪到艾殊利高爾,無啦啦胃痛,雖然周五已復操,但唔知踢唔踢到聽晚英法大戰。諸事不順,有博彩公司決定幫吓手,為英軍喺對住法國個懸崖上面,整個近百呎高嘅鶴臣救世主像,實行靠「鶴神」邪一邪法蘭西。

英軍老西出巡萬人空巷

列貝利冷凍治療備戰

至於英格蘭首戰對手法國,備戰情況就悠然自得得多。法國兵駐紮喺頓涅茨克,星期四由於落大雨,所以大軍留喺集訓基地享受吓。列貝利試用冷凍治療機,據講可以透過液態氮加速身體復原;其他國腳有啲去做按摩,有啲就打吓機,輕鬆備戰英法大戰。

包羅萬有,「體」得舒服,即Like「蘋果體育」FB專頁!
BannerBanner