求驗客手記:費Sir魔迷齊發功
勸C朗回家

更新時間 (HKT): 2014.09.29 05:20

基斯坦奴朗拿度(C朗)又發威,呢位皇家馬德里球星喺上周六西甲又入波,連續5場建功下助皇馬以2:0作客贏維拉利爾。C朗咁勁,佢之前效力過嘅曼聯就更加想佢返去;喺嗰場比賽有球迷自費揸飛機拖住「C朗回家」橫額喺球場上空飛過;亦有傳聞話費格遜喺日前親自打電話畀C朗,落嘴頭勸佢回家。

2:0挫潛艇又有波入

傳費Sir打電話畀C朗

不過球迷嘅舉動,似乎唔可以即時傳達俾C朗,電視台影住後者,但佢一直專心比賽冇望過上空。另外,據聞前曼聯領隊費格遜都好想C朗返曼聯,甚至已經打過電話畀佢探下口風。傳媒引述一位足球經理人加拿度話:「C朗喺周三收到費Sir嘅電話,雖然前者喺皇馬過得好開心,但轉會能唔能夠成事,好大程度係取決於佢經理人文迪斯嘅取態。」話說曼聯要重簽C朗,轉會費加埋人工總數隨時高達1.4億鎊,當中唔少會係佣金,所以話被視為吸血鬼嘅文迪斯,點會唔想C朗轉會成真呢。

包羅萬有,「體」得舒服,即Like「蘋果體育」FB專頁!
BannerBanner