求驗客手記:
女足索龍K.O.占士嬌妻

更新時間 (HKT): 2015.01.27 05:20

睇吓啲眼線同埋眼睫毛,小姐,你真係嚟踢波?高一米八七嘅趙麗娜(圖)唔單止識踢波,仲勁過你同我,佢係中國女子足球代表隊嘅門將,呢排喺廣州集訓,但因為個樣,佢呢排做咗網絡紅人,有人話佢靚,又有人話佢麻麻哋;有人話佢係高妹有長腿,但亦有網友話:「戴假睫毛踢球也是醉了!」不過,我求大俠心諗,基斯坦奴朗拿度踢波都gel頭啦,冇理由只准男足gel頭而唔准女足化妝嘅。好似皇家馬德里中場占士洛迪古斯(小圖)老婆奧絲賓娜,佢身高一米八三,𠵱家效力緊皇馬女排隊,打波嗰陣都化行晒妝啦。佢喺星期日有比賽,老公占士洛迪古斯仲帶埋個囡去捧場。

包羅萬有,「體」得舒服,即Like「蘋果體育」FB專頁!
BannerBanner