求驗客手記:
一月未過拜仁有盃落袋

更新時間 (HKT): 2017.01.16 05:20
喺決賽入波嘅查維馬天尼斯(右),係拜仁第三度捧起電訊盃嘅功臣。

提早打包賀芬咸孖寶

去到決賽拜仁當堂唔同晒,佢哋喺開波三分鐘就有列貝利先開紀錄,雖然緬恩斯喺七分鐘有安達拉馬路喺禁區外勁射破網幫球隊扳平,但係馬天尼斯喺10分鐘就憑住一記頭槌入波,幫拜仁以2:1擊敗緬恩斯,贏得新一年嘅首個冠軍。入波功臣列貝利喺賽後好興奮咁話:「贏波係開心嘅事,但成班隊友都踢出好表現就更重要。」拜仁繼2013同14年再次奪冠,順利壓過另一德甲球隊漢堡成為贏得電訊盃最多嘅球隊。

拜仁喺周五重開嘅德甲作客弗賴堡,今次捧盃應該會令呢支德甲班霸喺聯賽嘅爭標路上更有信心;拜仁暫以39分排榜首,領先第二嘅RB萊比錫三分。另外拜仁喺周日宣佈簽入賀芬咸嘅施巴斯坦魯迪同歷卡斯蘇尼,前者簽約三年,後者就簽五年,兩人將於七日一日正式加盟。

包羅萬有,「體」得舒服,即Like「蘋果體育」FB專頁!
BannerBanner