【雪上加霜】蜜蜂兩後衛傷出 周中歐聯隨時少兩件

更新時間 (HKT): 2017.09.10 12:43
舒姆沙要用擔架抬離球場

多蒙特喺上星期六嘅德甲聯賽作客只能夠同大部分時間只得十人應戰嘅弗賴堡賽和0:0,兩名後衛馬斯巴查同舒姆沙喺上半場先後傷出,星期三作客熱刺嘅歐聯分組賽隨時少兩個球員候命。

馬斯巴查喺上半場18分鐘已經退下火線,似乎係鼠蹊有傷,佢可唔可以喺溫布萊對熱刺嘅比賽上陣就有疑問。至於畀歷拉維踢傷嘅舒姆沙,喺對方被紅牌驅逐之後更加要由擔架抬離球場。今場比賽係舒姆沙季前集訓期間足踝撕裂之後傷癒復出嘅第一場,佢將會接受進一步檢查以確定傷勢。

蜜蜂兵團本身已經傷兵滿營,包括有列奧斯、拉菲爾古里路、舒賀爾尼、艾歷杜姆同埋施巴斯坦洛迪。

包羅萬有,「體」得舒服,即Like「蘋果體育」FB專頁!
BannerBanner