【NBA】勇士打中國賽　卡爾護照問題單獨出發

勇士即將進行兩場NBA中國賽，但係教練卡爾因為護照問題而要單獨出發，未知趕唔趕得切親自喺場邊督師。

據《ESPN》報道，由於卡爾嘅護照有延誤，所以佢要單獨出發，搭星期日晏啲機去中國，但消息透露勇士並冇球員受到影響。

勇士10月5號會喺深圳對木狼，進行第一場中國賽，第二場10月8號喺上海進行，如果卡爾護照搞唔掂去唔到，到時就會由助教米克布朗督師。完成兩場NBA中國賽之後，勇士會喺10月9號飛返美國。