Tip五個衰三個 C朗成新一代「燈神」?

更新時間 (HKT): 2018.03.21 22:25

葡萄牙球星基斯坦奴朗拿度雖然有排都未掛靴,不過一早就已經上晒神檯,成為球王級人馬。C朗早喺2015年一次專訪入面,就預測過五位當時嘅年青球員,話佢地大有機會成為下一代球王。

C朗當時第一個點名嘅就係有挪威神童之稱嘅馬田奧迪加特:「我見到而家好多年青球員嘅技術都好出眾,就好似奧迪加特咁,佢只有16歲,但已經好出色。」不過奧迪加特經過三年後只係喺皇馬一隊上陣過兩次,今季仲被借咗去海倫芬。

其餘四位有被C朗「欽點」嘅仲有前曼聯翼鋒迪比、夏薩特、保羅普巴同埋尼馬,不過除咗夏薩特同尼馬之外,其他三位球員近年嘅發展同表現似乎都只係一般,睇嚟C朗嘅「燈力」同比利都不相伯仲。

包羅萬有,「體」得舒服,即Like「蘋果體育」FB專頁!
BannerBanner