【雅加達亞運】楊文蔚直言盡哂力 感覺似愧對鄉親父老

更新時間 (HKT): 2018.08.30 02:15
挑戰1米84失敗後,楊文蔚不禁失望掩面。
(蘋果日報)

楊文蔚挑戰1米84不果,楊文蔚說落墊後第一個念頭是:「究竟自己做緊啲咩?」人生第一次亞運就此止步,落地後她失望掩面,蹲地發怔,與教練討論良久,心情一直未能平復。這年間她休學,苦練速度練彈跳,狀態、身體質素都比過往要好,但三次碰桿,備戰多時轉頭成空,賽後她心有不甘連說:「我已經盡晒力,做咗一切可以做嘅嘢。」

來雅加達前,她本來劍指1米90;最後成績遠遜預期,她始終不解,「我視呢個係可以試到1米9嘅比賽,我唔理係咪亞運,但我做唔到,見到支桿好似唔識跳咁。」她解釋可能今年練習多跳1米7左右,鮮有練習1米8或以上、自己一直未能改善離地後動作如「自動波」不能自控的弱點、過桿時太早縮腳、跑得太快......付出與結果不成正比,她嘆道「我已經準備咗一年,但最後係呢個成績,我都已經盡咗力、盡咗力、真係盡咗力。」

訪問後她跟記者訴說感覺似「愧對鄉親父老」,她苦笑說隊友時常心痛她辛苦練習節食,自己也思疑是否逼得自己太緊。亞運既完,她將重拾書本回校園繼續學業,談著未來動向,思緒已經凌亂的她復陷入無盡的矛盾,「我唔想放假,因為跳得唔好,但我又一定要放假,我本身諗住開開心心放假 ,而家都唔知用咩心情面對。」對運動員而言,一年準備就只待一次機會,但今次雖時不予我,也不過是楊文蔚的首次亞運,落地休整過後,總會迎來再次展翅上騰的一日。

包羅萬有,「體」得舒服,即Like「蘋果體育」FB專頁!
BannerBanner