92班投資有道 沙城望5年內4級跳上英乙

更新時間 (HKT): 2019.04.21 21:20
沙福特城有望5季內連跳4級

獲傑斯、史高斯、碧咸及尼維利兄弟等曼聯92班注資多年嘅沙福特城,家陣喺英格蘭國家聯賽級別競逐,但來季有可能升上英乙。上周五作客3:2絕殺波利咸後,繼續同榜首嘅奧連特保持兩分差距,嚟緊仲有兩輪聯賽咁大把,就要睇吓奧連特會唔會失分,等佢哋有機可乘。

國家聯賽直接升班得一席,就係榜首球隊,所以家陣積87分嘅奧連特只要餘下兩輪比賽冇甩拖,保住個榜首就可以事隔兩季後再重返英乙,但對上4季已連跳3級嘅沙福特城當然想創造奇蹟升上英乙,如果最尾都係得第二,就要同其他排名三至七位嘅球隊踢附加賽,咁變相升班嘅機會就曲折好多,而佢哋周一主場就對排第五嘅AFC費迪,要贏絕對唔易,但奧連特就可能仲難踢,作客第三位嘅索利赫爾摩爾,失分機會分分鐘仲大過沙福特城。

包羅萬有,「體」得舒服,即Like「蘋果體育」FB專頁!
BannerBanner