夏日求驗客:天價新兵埋牙
菲歷斯完勝夏神

更新時間 (HKT): 2019.07.28 02:20

上禮拜六國冠盃,兩支西甲班霸皇家馬德里同馬德里體體育會,喺美國新澤西上演馬德里打吡戰。兩隊嘅「天價新兵」齊上陣,首次為馬體會正選披甲嘅新星祖奧菲歷斯開波八分鐘,已貢獻1助攻1入球,半場派皇馬五蛋,相反夏薩特同皇馬依然格格不入,最終馬體會7:3大破皇馬,菲歷斯全場就有1入球2助攻,表現明顯好過夏神。

DC大四喜 皇馬慘負3:7

拉莫斯死撐:下半場贏番

今次皇馬大敗,創下國冠盃舉辦10年嚟失波最多紀錄。上次皇馬單場失七球,已係39年前嘅事,1980年同樣喺季前熱身賽,皇馬就曾以1:9遭拜仁慕尼黑大炒,但皇馬隊長拉莫斯仲死雞撐飯蓋,話兩隊比賽心態完全唔同,「對面一開波當場波好似決賽咁踢,但我哋就係踢友賽心態。不過如果只係計下半場嘅話,我哋係贏嘅一方。」皇馬今次嘅熱身賽損兵折將,繼馬高阿辛斯奧受傷可能收咧,今仗再有新兵前鋒盧卡祖域扭傷左腳足踝退下火線。

包羅萬有,「體」得舒服,即Like「蘋果體育」FB專頁!
BannerBanner