【夏日熱辣辣】自費出賽冇資助不減沙排熱 00後港青:越黑越勁

更新時間 (HKT): 2019.07.31 00:01

炎炎夏日,沙灘變得熱鬧起來,但其實有人不論春夏秋冬、晴天陰天雨天,總會在沙灘留下足印。沙灘排球香港青年代表吳詠嵐(Rita)與黃雯靖無懼烈日,也不怕暴雨,只想在那片幼沙上全力扣殺。

一般港女愛美白,不知為何皮膚白晳成為了美的定義,不過一身健康膚色的Rita及雯靖並不港女,就如香港沙排前輩江卓儀及日本「新妖精」的美女排球手坂口佳穗一樣,散發青春的陽光氣息。對她們而言,日曬雨淋的沙灘排球比起冷氣底下的室內排球更有吸引力,雯靖說:「打沙排滿足感大啲,因為得兩個人,唔係佢攞分就係我攞分。」Rita也指:「沙排成功感仲大,而且我本身活潑好動,鍾意跑嚟跑去。」兩人均有參與室內排球,但熱愛程度遠不及沙排。雯靖續說:「沙排跑動大啲,兩個人守成個場,要跑多好多。」比起室內排球,沙灘排球受盡大自然因素影響,Rita說:「唔同嘅沙排場有唔同風向,可能沙都有影響,所以對於適應場地嘅能力要求較高。」別以為在沙灘進行的運動一定是在陽光下進行,其實就算是雨天,沙排比賽也會繼續。

Rita與雯靖同樣在千禧年出生,現為大專生,要兼顧學業與比賽,別忘記兩人同時為沙排及室內排球運動員,訓練也要兼顧兩方面。一日只得24小時,如何分配也是學問,雯靖說:「時間平時都夠用嘅,但有時出咗去比賽,學校又多assignment時,去到比賽都要做學校嘢,返到嚟要追學業,都有啲吃力。」兩人現時已升讀大專,比起中學時期已經較容易分配時間,Rita憶起應付文憑試說:「有個比賽夾住DSE,要帶埋啲書去溫,比賽後都要溫一溫書先瞓。」就算並非出外比賽,平日也要應付室內排球及沙灘排球兩邊訓練,兩者或會撞時間,更考驗時間分配︰「可能要一邊早少少走,另一邊遲少少到,盡量去晒。」Rita如此解決。

包羅萬有,「體」得舒服,即Like「蘋果體育」FB專頁!
BannerBanner