【大專籃球】教大贏職訓局全勝封王 馮嘉豪圓師兄心願

更新時間 (HKT): 2019.09.01 21:15
教育大學以全勇姿態,贏得今屆大專籃球邀請賽。
(蘋果日報)

大專籃球邀請賽今日假荃灣體育館上演決賽,最終香港教育大學以88:76擊敗職業訓練局,以全勝姿態大熱封王。

擁三位甲一球員馮嘉豪、蕭俊傑及楊仲翹在陣的教育大學,以全勝姿態殺入今日的決賽,面對職業訓練局的挑戰。初段職訓局仍能與教大周旋,首節只落後20:23,半場落後37:42。不過,第三節教大有壓倒性的優勢,以64:44領先職訓局有20分。縱使職訓局在最後一節反撲,亦無力回天,教大以88:76擊敗職訓局封王。

教大隊長馮嘉豪七年大學生涯,終在當學生的最後一天,以一個冠軍終結。他在賽後相當激動,與多位隊友相擁,亦被拋起。馮嘉豪即將到小學任體育老師,明天開學,他說:「真係好開心,大專七年,一直有大佬帶住打,一直攞唔到冠軍。直至佢哋交隊波畀我,都係到今日,先幫佢哋攞到個冠軍,所以好開心。」他指感觸是因為在教大太長時間﹕「仲耐過讀中學」,而能以一個冠軍作結尾,感覺相當感動。

即將交棒予球隊其後師弟,他說:「我比較暴躁,我一直改善緊,希望話畀大家知,就算我和楊仲翹畢業,教大仍能係一支強隊。今次我哋贏到理大,仲有好多實力接近嘅球隊,證明球隊有進步,所以今次好開心。」

季軍戰方面,香港嶺南大學以102:96擊敗香港理工大學。

記者、攝影:禤家民

包羅萬有,「體」得舒服,即Like「蘋果體育」FB專頁!
BannerBanner