【6點半體場●一周人語】男拔氣袋創港青紀錄 謝俊賢:耐力要再浸淫

更新時間 (HKT): 2019.11.01 18:30

上周日黃尹雋於「香港十公里挑戰賽」勇破男子香港紀錄,英雄出少年,同場就讀男拔萃的跑手謝俊賢則隨其後跑出32分12秒奪青年組冠軍,同時打破黃子圖保持的32分18秒的港青紀錄;翌日謝俊賢再戰學界越野跑,他所向披靡再膺冠軍,連續三年稱霸學界。

謝俊賢年少成名,他盡攬半馬、十公里和五千米香港青年組一哥名銜,周日他與門師兄黃尹雋攜手參加十公里賽,結果師兄創香港紀錄,他亦創青年紀錄,他賽後透露本來他同樣雄心壯志劍指成年組港績,「我發揮可以接受,但未算最好,本來跑開時間係香港紀錄配速,可惜未能保持,有少少失望。」謝黃兩人師承陳嘉威,謝俊賢表示與師兄相比,自己耐力尚有進步空間,「本來目標跟黃尹雋跑,我哋一齊訓練想試跟下,但佢比較fit,我耐力冇咁好,要再浸淫下。」

比較香港一哥,謝俊賢力有不一,但與同齡跑手相比可謂鶴立雞群,周一他再接再厲,代表學校於粉嶺高球場參加學界越野賽,最後他以20分59秒298,連續三年稱霸男子組冠軍,更助男拔萃以「大滿貫」之勢贏得全場總冠軍。

記者:洪量丰

包羅萬有,「體」得舒服,即Like「蘋果體育」FB專頁!
BannerBanner