【把握最後機會參加:體LIVE FAN享會】有飲有食有波衫送 郭sir富仔陪你免費睇曼聯大戰

更新時間 (HKT): 2019.11.02 00:01

波,並唔係一個人睇嘅!各位想同啲friend子齊上齊落睇波,但係又驚出到街搵唔到位?

《蘋果》舉辦、升級壹會員獨家免費專享,NowTV提供直播嘅【體LIVE FAN享會】,頭炮就會喺今晚,蘋果日報大樓舉行曼聯作客般尼茅夫呢場英超大戰嘅睇波派對,曼聯和完利物浦之後簡直脫胎換骨,連同歐霸盃兩連勝,上仗大炒諾域治,英超仲升上第7位,周中英聯盃又擊敗車路士晉級,紅魔鬼球迷唔係唔撐呀嘛!我哋仲會安排免費專車,接載會員由附近港鐵站送到蘋果日報大樓,完場後就送番各位到調景嶺及觀塘,包保大家睇得舒適又招積。時間無多,名額有限,大家要把握最後機會報名嘞!

除咗超大螢幕睇波呢啲基本嘢,全場任飲任食都唔意外,我哋請嚟靚靚表妹主持大局,仲有兩個重量級嘉賓同大家講波經,包括前港隊U23、現任大埔教練「郭sir」郭嘉諾,仲有出晒名風趣幽默嘅香港五人足球代表「富仔」黃耀富,當然唔少得玩遊戲送豐富獎品,大獎有曼聯主場波衫,睇吓邊個球迷咁好彩可以又食又拎。

如果想同其他球迷過一個開心睇波夜,而家就立即報名拎門票。大家即到「 https://bit.ly/2pPnQVG」進行登記(Register按鈕),必須輸入升級壹會員電郵,就有機會獲得門票,每人只限登記一次,最多獲兩張。名額100位,登記要快,先到先得!

成功登記並獲得門票嘅會員,將收到一封電郵確認信,信內附上QR Code,用作入場用途。一個電郵只限登記一次,重複作廢;登記後需核實閣下《升級壹會員》身份,QR Code門票才正式有效,否則將收到另一封「取消」確認信,敬請注意。此外,即使所有門票派發完畢,你仍可申請進入「Waitlist」名單;一旦有會員取消申請,你仍有機會獲得後補門票,請留意電郵通知,查詢詳情可電郵至cs@nextdigital.com.hk。

包羅萬有,「體」得舒服,即Like「蘋果體育」FB專頁!
BannerBanner