【請即參加:體LIVE FAN享會】紅軍粉絲阿旦一齊撐 利物浦主場鬥屈福特免費睇

更新時間 (HKT): 2019.12.07 00:01

利物浦向住首次英超冠軍,一步步邁進;紅軍球迷當然要齊上齊落,一場比賽都唔可以錯過;如果可以同一大班志同道合嘅手足一齊睇、一齊嗌,見證愛隊贏波,就更加完美。

《蘋果》舉辦、升級壹會員獨家免費專享,NowTV提供直播嘅【體LIVE FAN享會】,12月會進行第2炮就,12月14日(星期六)晚,蘋果日報大樓舉行利物浦主場對屈福特英超大戰嘅睇波派對,我哋仲安排免費專車,接載會員由附近港鐵站送到蘋果日報大樓,完場後就送番各位到調景嶺、觀塘及旺角三個落車點,大家唔使驚冇車返屋企。

睇好波,我哋準備好超大螢幕高清直播,亦會提供小食飲品,最緊要我哋請到鄧洢玲(阿旦)做主持,大家都知道佢係紅軍球迷,同聲同氣更加啱Key;利物浦官方贊助New Balance,仲會送出主場同門將波衫,球迷有機會玩遊戲兼贏禮物,另外每位球迷亦都獲得New Balance專門店7折卡1張。除左派福利,我哋都邀請兩個嘉賓,包括出晒名風趣幽默嘅前香港五人足球代表「富仔」黃耀富,同利物浦官方球迷會代表Mino,同大家講波經。

如果想同其他球迷過一個開心睇波夜,宜家就立即報名拎門票。大家即到「 https://bit.ly/368H3lj」進行登記(Register按鈕),必須輸入升級壹會員電郵,就有機會獲得門票,每人只限登記一次,最多獲兩張。名額100位,登記要快,先到先得!

成功登記並獲得門票嘅會員,將收到一封電郵確認信,信內附上QR Code,用作入場用途。一個電郵只限登記一次,重複作廢;登記後需核實閣下《升級壹會員》身份,QR Code門票才正式有效,否則將收到另一封「取消」確認信,敬請注意。此外,即使所有門票派發完畢,你仍可申請進入「Waitlist」名單;一旦有會員取消申請,你仍有機會獲得後補門票,請留意電郵通知,查詢詳情可電郵至cs@nextdigital.com.hk。

包羅萬有,「體」得舒服,即Like「蘋果體育」FB專頁!
BannerBanner