趣趣地:馬古尼打柴紅魔中堅荒

更新時間 (HKT): 2020.01.10 02:20

曼聯頭痕了!球會證實英格蘭中堅哈利馬古尼有傷,周六主場對諾域治場英超唔使預佢,領隊蘇斯克查都冇講佢幾時出得。馬古尼喺早排英足盃和狼隊場波受傷,賽後證實傷咗臀部肌肉,周中對曼城已經冇踢。蘇B話:「佢唔使休好耐,不過今個星期就唔出得喇。」因艾歷拜利同馬高斯盧祖都長傷,馬古尼再傷搞到曼聯得番兩個健康中堅,就係菲爾鍾斯同域陀連迪路夫,佢哋就係英聯盃輸曼城1:3嘅正選,都咪話唔驚,外媒就話馬古尼可能要缺陣3至4星期。至於對曼城打正選嘅連格,嗰場半場就被蘇B換走,外媒又話蘇B已經忍無可忍,對諾域治唔會用佢喇。

包羅萬有,「體」得舒服,即Like「蘋果體育」FB專頁!
BannerBanner