【6點半體場●一周人語】斷過韌帶繼續要打籃球 協恩蔣思琪怕冇得同隊友練波

更新時間 (HKT): 2020.01.24 18:30

D1學界女子籃球決賽已近尾聲,協恩中學遙遙領前寶覺中學,教練大手一揮,中六隊員悉數入替,讓她們在籃球聖地修頓場完成學界最後探戈,光榮謝幕。「嗖」,三分球百步穿揚,場上行將畢業的球員經驗雖老到,但緊張臉孔下遮掩不了嘴角上揚的興奮,相對她們的含蓄,後備席反倒如入狂歡之境,比她們還要激動,「中六球員好多有傷在身,但佢哋依然好盡力去比賽,大家真係好感動。」中五的協恩主力蔣思琪賽後難忍淚水感言。

協恩女籃像無敵艦隊,學界大海裡幾近難覓對手,單論九龍區D1她們已締下15連霸,然而運動員最大的敵人始終是傷患,今年協恩籃球隊遭遇傷患潮,決賽射入11分的後衞蔣思琪四強亦因足踝韌帶斷裂缺陣,眼見隊友同甘共苦,她卻斯人獨憔悴,「見到佢哋好辛苦練波,自己乜都做唔到,只可以喺場邊見住佢哋好努力,我係有啲難受,同唔到大家一齊努力,享受唔到奮鬥嘅過程。」尤幸她決賽及時復出,可惜多年好友梁皓雪難逃傷患侵襲,梁前年右膝前十字韌帶斷裂,幾經努力終可復出,偏偏決賽前夕意外拉傷,最後關頭她忍痛上陣當是告別作。眼見好友負傷圓夢,蔣思琪忍不住哽咽起來,「我同梁皓雪小學打到中學,佢哋係好痛但都好努力,直到最後一刻都無放棄,所以大家都好感動。」社會不穩,精英賽遙遙無期,蔣思琪明言無論賽事會否取消,只要享受隊友並肩努力的過程已足矣,「最緊要係享受同大家奮鬥,結果係點都唔緊要喇。」 也許相比孤軍作戰單騎奪標,對一眾學界球員而言,齊上齊落,一個都不少才是至為重要的事。

記者:洪量丰

包羅萬有,「體」得舒服,即Like「蘋果體育」FB專頁!
BannerBanner