求驗客手記:哥帥撐高普逆權抗爭

更新時間 (HKT): 2020.01.30 02:20

利物浦上個禮拜喺英足盃同梳士貝利打和2:2後,重賽日期同英超歇冬期相撞,所以紅軍領隊高普講明唔會派一隊球員出賽,自己亦唔會到場督師,態度極為強硬。儘管英格蘭足總已出信警告,但高普喺韋斯咸賽前記招上,重申唔會改變決定,仲話唔會向唔合理嘅制度屈服,仲得到曼城主帥哥迪奧拿隔空支持。高普就話:「如果我哋總係逆來順受,凡事都跟隨佢哋,咁所有嘢都唔會改變。我3個禮拜前就決定根據我哋去年4月收到嘅一封信嚟計劃,嗰封信所講嘅就係我哋有歇冬期。」高普仲話表示自己唔係想做乜革命人物,只係想向自己球員負責。哥帥亦聲援高普:「我哋已接受2、3日1賽嘅安排,但唔好命令領隊去點樣排陣,呢個係我哋嘅工作。」另外,曼城官網站宣佈,已同34歲中場費蘭甸奴續約1年。

包羅萬有,「體」得舒服,即Like「蘋果體育」FB專頁!
BannerBanner