【人生勝利組】京奧女神變幸福人妻 陳宇寧睇好何詩蓓東奧衝牌

更新時間 (HKT): 2020.02.12 00:00

她走得比人快,21歲退役、26歲結緍、27歲生第一胎、28歲已是兩子之母,她是今年才31歲、已轉戰商界的「京奧女神」陳宇寧(Elaine), 08年北京奧運開幕禮一張Close up相片成名,原來她有苦自己知,今夏東奧,她看好小師妹何詩蓓將成萬眾焦點,為香港爭取歷史首面游泳獎牌。

多年不見,很想問她一句:「你過得好嗎?」她笑着答:「簡直係豐盛啦!」眼前的Elaine,跟12年前北京奧運開幕禮當晚,一手揮着特區旗、一手拿着紅扇、笑容溫婉、長髮披肩、身材高䠷,被大會鏡頭捕捉入大螢幕的模樣一樣,怎看也不似是兩子之母,談吐舉止,還是那個斯斯文文、笑起來帶點害羞的高妹。

Elaine最深入民心,一定是08年8月8日,北京「鳥巢」的京奧開幕被中央電視攝入大螢幕,全世界都在直播看到,談到當年被中國網民封為「京奧女神」,她皺一皺眉笑着說:「可唔可以唔再提呢個名呀?」08奧運的事,在Elaine眼中恍如昨日,她說:「奧運喺我人生裏面係好緊要嘅一個試煉,每一刻發生嘅事都令我印象深刻,開幕禮『大頭相』件事曾令我不知所措,一生難忘。」

能夠在開幕禮眾多選手中被捕捉入大會鏡頭,很多人恨也恨不到,但對於當時只得20歲的Elaine來說卻是遭受欺凌的源頭,她回想當時情景時說:「08年同家陣唔一樣,香港運動員唔似家有好多贊助、曝光機會,當年你做香港運動員,代表香港去奧運,就應該乖乖地去訓練,然後為香港爭取好成績,當我喺開幕禮俾國內傳媒以靚女或者明星嘅角度去寫,好唔習慣,我一向唔係sell樣係sell實力,所以當時有啲不知所措,嗰時我先20歲,毫無人生閱歷,唔知點去處理成件事。」

更糟的是,她由開幕禮『出名』到自己50米自由泳的奧運比賽相隔好幾天,那種邊訓練邊不知所措的煎熬,至今難忘,回港後更聽到不少冷言冷語,套用她所說的「靚又唔係一種罪」:「我游嘅50米自由泳初賽係游泳項目最後一項,嗰段時間好難捱,好多唔同地方嘅傳媒都想訪問我,我家陣當然識答,但當時真係唔識,又怕答錯,另方面又要準備我嘅奧運項目(最後在初賽以26秒54位列第44位),心理壓力好大;返香港後亦遇到有人用負面眼光睇呢件事,咁多年我都唔太想講出嚟。」

她續稱:「當時真係受到人哋言語上嘅欺凌,有人會眼紅,有人會挑剔,最難聽係:『好啦,你喺奧運出名啦,有好多贊助啦』,甚至會人身攻擊:『你塊面啲皮膚好差喎』、『你都好大隻喎』,真係好難受,我都係俾人影到一張相,靚又唔係一種罪。」

訪問這天,曾出席2次奧運(04雅典及08北京)的Elaine小心翼翼展示她珍藏着兩件用過的奧運泳衣及泳帽,她對這兩次經歷都珍而重之,雖然08京奧百般滋味,但亦感恩這不是人人都有的經驗,她說:「如果當時嘅社會背景同家陣一樣,我絕對希望『大頭相』件事發生,又或者如果我當時好好利用嗰一刻光芒,會更早提升香港運動員嘅社會地位。」

師妹歐鎧淳在16里約奧開幕禮步其後塵被拍入鏡,獲得「最美持旗手」稱號(見另文),問她今夏東奧那個泳手會接她們班,成為眾人焦點,她想也不想就說:「一定係何詩蓓,其實我未見過佢,好想見見佢,我好似佢嘅小粉絲,平時會喺網上跟進佢嘅比賽成績,近年佢打破好多香港紀錄,上年世錦賽更歷史取得殿軍,好有機會喺東奧攞到香港第一面奧運游泳獎牌。」

08京奧後,她多賽兩年就退役,這12年來,她用「豐盛」來形容,現在的她,有愛錫自己的丈夫,有兩個活潑可愛的兒子,有房子、有工人,亦位高新世界發展有限公司的租務經理,下月才滿32歲、站在居高臨下、無敵海景的家中陽台,她也說:「我好滿意現況。」

Elaine走得比人快,她的游泳生涯也是,10歲才學游泳的她,16歲就達50米自由泳奧運B標出戰04雅典奧運,20歲再去第2次,在08京奧同樣游50米自由泳,她坦言這些年沒一刻後悔過21歲退役這決定,結婚、產子也非計算過,她說:「其實我係一個冇長遠計劃嘅人,太長遠好難預料,21歲退役,主要係我好鍾意試新事物,覺得游咗咁多年,又去過兩屆奧運,當時啱啱大學畢業,我主修經濟金融學,好期待出社會工作,好似其他女仔,着住高踭鞋喺中環返工。」

她近10年打過不少工,試過做銀行金融分析員、在仲量行跟大陸生意、18年加入新世界任租務經理至今,上月她剛完成碩士課程,打算考測量師牌照,在自己的事業上諗頭多多,Elaine卻沒忽略家庭:「我冇諗過要幾多歲結婚,係遇到啱嘅人就發展落去,生小朋友係同丈夫都想趁後生時生,我哋都好鍾意小朋友。」

看着Elaine兩個可愛的兒子,問她可想有女兒,她說:「當然恨,但唔生啦,如果又生仔點算?」訪問尾段,兩位張家少爺回到家中,跟媽媽到屋苑吹肥皂泡,看着Elaine滿足的笑容,就知何謂「豐盛」人生。

包羅萬有,「體」得舒服,即Like「蘋果體育」FB專頁!
BannerBanner