【人生勝利組】師姐交棒 欣賞歐鎧淳對游水有熱誠

更新時間 (HKT): 2020.02.12 00:30
陳宇寧(中)在京奧開幕禮與歐鎧淳(右)做隊友。資料圖片
(蘋果日報)

「講真,我好妒忌歐鎧淳㗎!」如果陳宇寧是第一代奧運開幕禮大頭照師姐,香港背泳「美人魚」歐鎧淳就是第二代,歐鎧淳在2016年里約奧運被冠以「東方維納斯」、「最美持旗手」之名,一夜爆紅,更成廣告商及娛樂圈新寵。

其實Elaine與淳淳有點淵源,雖然她們不同項目,亦相隔四歲,但若細心留意08年北京奧運開幕禮Elaine被攝入鏡頭的相片,會發現當時只得16歲、一臉稚氣的淳淳正正在Elaine旁,她笑說:「如果我嘅奧運『大頭相』推遲10年發生,可能我會有完全唔同嘅經歷,畢竟我嗰時資訊冇16年里奧咁發達,所以我都好妒忌歐鎧淳;講番正經,唔同人有唔同性格,歐鎧淳喺各方面都做好好,如果交畀我做,未必做到好似佢一樣好。」

Elaine其實十分佩服淳淳,能為游泳堅持這麼多年,更將第四次出戰奧運,她續稱:「她能以A標第四次游奧運,真係好amazing,好佩服佢嘅堅毅,佢里奧開幕成名後,其實有好多途徑畀佢發揮,可以去拍戲做明星,可以賺好多錢,但佢都係選擇游水,好欣賞佢對游水嘅熱誠。」

淳淳去年以1分00秒22的東奧A標達女子100米背泳資格,並坦言渴望游進一分鐘內,Elaine對她信心十足的說:「以佢嘅毅力,我好有信心可以突破一分鐘內,佢一向都會畀人驚喜,我會一直支持佢。」

記者﹕徐嘉華

包羅萬有,「體」得舒服,即Like「蘋果體育」FB專頁!
BannerBanner