【尿紫楊出事】轉發孫楊禁賽 保格俾小粉紅狙擊

更新時間 (HKT): 2020.03.01 14:55
保格因為轉發孫楊俾CAS罰停賽嘅消息而被狙擊。

曾經效力勇士並且奪得2015年NBA總冠軍嘅澳洲中鋒保格(Andrew Bogut),上星期五喺Twitter轉發咗中國泳手孫楊俾國際體育仲裁法庭(CAS)判罰停賽嘅消息,留言Nmsl(你媽死了嘅普通話拼音縮寫)仲加上幾個笑到流眼淚嘅表情符號,結果引嚟大批小粉紅狙擊。

有狙擊保格嘅網民上載澳洲山火嘅時候影到隻袋鼠嘅相,留言Nmsl同一場大火,中間仲有幾個心心符號。有人更加上載咗張有保格車頭相嘅P圖,相入面寫住沉痛哀。對於有人喺保格Twitter留言,話如果佢下次去中國,將會周圍都搵到牙齒,有人就回應話︰「佢(保格)7呎高,中國人大概可能只係伸展到佢臀部。」

對於保格用到Nmsl,香港有網民讚佢識玩,亦有人話「Bogut竟然知nmsl咩意思,係唔係俾支那人x過」,但有網民提番「上次個澳洲泳手(賀頓)唔肯同紫尿影相,Bogut Twitter 撐佢然後俾大陸人圍攻,依家佢應該心都涼哂」。唔少網民都認為,「不嬲夠疆」嘅保格喺澳洲地位高,根本唔怕啲小粉紅,而且講得就唔怕俾人洗板。

-------------------

《果GYM》隨身播  健身壹App過!

包羅萬有,「體」得舒服,即Like「蘋果體育」FB專頁!
BannerBanner