趣趣地:細哨面臨六個月拘留

更新時間 (HKT): 2020.03.09 02:20

巴西球星朗拿甸奴(細哨)同阿哥羅拔圖,喺上個禮拜五因涉嫌使用偽造護照進入巴拉圭,再次俾當地執法人員拘捕。兩人上個禮拜四經過初步調查後承認喺受騙情況下犯錯,並願意接受處分代替起訴。不過當地律政司之後就唔接納有關安排,上個禮拜五再次拘捕二人,第二日就送到巴拉圭首都阿松森嘅最高法院應訊,法官仲指兩人所犯嘅罪行極為嚴重,加上有潛逃風險,所以拒絕保釋申請。根據巴拉圭法例,當局有六個月時間完成調查,其間有權一直扣押疑犯。而當地警方亦講明,細哨與羅拔圖要跟其他疑犯扣留喺同一個囚室,亦唔會得到特別待遇。

包羅萬有,「體」得舒服,即Like「蘋果體育」FB專頁!
BannerBanner