【6點半體場●今日Read IG】網壇版Emma Watson! 15歲美少女麥姬絲仙氣十足繼承舒娃

更新時間 (HKT): 2020.03.17 18:30

網球界真係比其他運動界別更多靚女,睇我哋咁多次都介紹女子網球手都知喇。雖然今年先後有舒拉寶娃同「丹麥甜心」禾絲妮雅琪兩位靚女退役,但其實仲有唔少潛力新星等住上位!好似呢排紅爆、嚟自美國嘅15歲網球靚女麥姬絲(Makenzie Raine),因為貌似大美人「妙麗」Emma Watson,就畀網民冊封佢為娘娘,仲稱呼佢為「全球最靚網球手」!

介紹一下呢位網壇版Emma Watson嘅背景先,雖然麥姬絲皮膚白晢一頭金髮似足俄羅斯女仔,但其實佢係嚟自美國明尼蘇達州。鬼妹年紀輕輕已經好成熟,麥姬絲亦一樣,加上好識得擺pose,成個IG充滿靚靚model相,當然吸引到成60萬followers追蹤喇。睇落麥姬絲似model多過似職業網球手,其實佢真係part-time model嚟㗎,仲會兼職做舞蹈員添。雖然佢仲係青年球手,至今仲未正式出戰過國際大賽,但已經有唔少廣告商爭住贊助佢。

除咗睇麥姬絲嘅IG相之外,仲可以睇佢YouTube channel了解呢位靚女嘅真實性格,佢不時會上載自己拍嘅vlog㗎。亦有網民覺得麥姬絲做到舒拉寶娃接班人,的確,舒娃初出道嘅時候都係仙氣十足,仲有種鄰家女孩嘅清純感覺,而麥姬絲爭嘅就只係網球壇嘅成績。舒拉寶娃係5屆大滿貫錦標得主,仲為網壇帶嚟深遠影響,至於而家先15歲嘅麥姬絲仍然未打國際大賽,嚟緊仲要大大努力先追到師姐嘅成就喇!

包羅萬有,「體」得舒服,即Like「蘋果體育」FB專頁!
BannerBanner