趣趣地:細哨40歲生日要獄中過

更新時間 (HKT): 2020.03.22 02:20

涉嫌使用假護照、喺巴拉圭被捕嘅巴西球星朗拿甸奴,據《太陽報》報道指佢嘅保釋申請已被駁回,有機會面臨長達6個月嘅監禁。美國時間明天就係細哨40歲生日,意味住佢即將要喺獄中度過壽辰,認真陰公。細哨同49歲嘅哥哥羅拔圖早前涉嫌使用巴拉圭假護照被捕,二人否認控罪,但係向佢哋提供護照嘅女商人冇出庭作證,搞到細哨未能洗脫嫌疑。上周細哨原定向法庭申請保釋,因疫情嚴峻希望喺屋企等待判決,但最終被法庭拒絕,佢仲被警告有機會面臨長達6個月嘅監禁㖭。好鍾意派對狂歡嘅細哨,今年生日肯定同以往比差天共地,佢26歲生日嗰年,曾經喺一間夜店通宵玩到朝早六點。

包羅萬有,「體」得舒服,即Like「蘋果體育」FB專頁!
BannerBanner