求驗客手記:夏神剃頭好似施丹

更新時間 (HKT): 2020.03.28 02:20

近排因為武漢肺炎疫情喺歐洲肆虐,所以社交網站都發起唔少防疫challenge,其中一個就係「喺屋企剪頭髮」。繼保羅普巴同安東尼馬迪爾之後,效力皇家馬德里嘅夏薩特都有接受挑戰,親自郁手幫自己鏟咗個光頭。之前馬迪爾剃咗頭就俾人話佢似亨利,今次夏神剃頭就有網民發現,同皇馬教練施丹都有幾分相似,唔知會唔會幫到佢改善吓喺皇馬嘅表現呢?事關呢位比利時翼鋒今季加盟皇馬後表現一直備受批評,近日受訪都承認自己嘅演出未如理想,但就表示呢季都一直適應緊,希望球迷畀多一季時間佢,等下季先落定論究竟佢係咪天價水貨。

包羅萬有,「體」得舒服,即Like「蘋果體育」FB專頁!
BannerBanner