求驗客手記:薛羅拔圖病毒look晒肌

更新時間 (HKT): 2020.04.17 02:20

唔少退役球員都因為冇比賽後唔再定時操練,身材走樣,最多人聯想到可能係「大哨」朗拿度,掛靴之後個肚腩變咗加大碼。佢當年巴西國家隊隊友薛羅拔圖就完全相反,45歲仍然身形弗爆。薛羅拔圖最近喺ig上載自己赤膊喺公園練來回跑嘅片,仲留言寫:「你唯一需要競爭嘅對手,就係噚日嘅你。繼續保持專注!去吧!」,可見佢喺武漢肺炎疫情下,仍然冇偷懶操弗自己。睇佢ig其他近照,依然仲見強勁胸肌同一排排朱古力腹肌,認真犀利。不過佢個髮型就有啲出事,竟然緊貼「潮流觸覺」,頭髮一束束向外豎起,十足冠狀病毒圖案,唔知佢會唔會考慮改一改呢。

包羅萬有,「體」得舒服,即Like「蘋果體育」FB專頁!
BannerBanner