求驗客手記:落難細哨坐監波照踢

更新時間 (HKT): 2020.04.29 02:20

巴西球星朗拿甸奴(細哨)上月同大佬到巴拉圭出席公益活動,入境時因涉嫌用假護照被捕,還柙近一個月後被安排到當地嘅酒店軟禁,等待案件審理。「當我哋發現護照唔合法嗰陣都好驚!我哋同司法部門都好合作,我又祈禱希望盡快解決件事。」

近日細哨接受巴拉圭傳媒訪問,第一次講到佢喺獄中嘅生活:「我好高興認識到一班囚友,佢哋對我都好友善嘅,我仲經常同佢哋踢波、簽名同影合照。呢班囚友都係經歷緊困難嘅人,所以佢哋呢啲要求我都唔會拒絕。」細哨仲話一旦打甩條罪的話,第一件要做嘅事係畀阿媽一個大大嘅kiss。

包羅萬有,「體」得舒服,即Like「蘋果體育」FB專頁!
BannerBanner