求驗客手記:PSG攻守兩大主力講拜拜

更新時間 (HKT): 2020.06.15 02:20

法甲巴黎聖日耳門(PSG)體育總監李安納度證實,陣中嘅星級球星前鋒卡雲尼,同埋中堅堤亞高施華,喺今個夏天合約到期後就會離隊,至於具體時間將會喺今年八月歐聯結束之後,正式同呢兩名球星講拜拜。李安納度就話:「呢個係非常困難嘅決定,佢哋都係球會標誌性嘅球員,我哋諗過係咪應該再合作多一年,延續美好嘅故事。但係我哋必須做合理嘅決定,唔理係經濟上定係畀下一代上位。或者我哋會做錯決定,呢層我唔知道,但永遠唔會有完美嘅告別時刻。今屆歐聯都仲係遙遙無期,我哋嘅諗法係佢哋留隊到八月底。」現年33歲嘅卡雲尼,早喺2013年已加盟PSG,7年間為球隊上陣咗300場攻入200球之多,係PSG隊史最佳射手。至於35歲嘅隊長堤亞高施華,比卡雲尼早一年加盟,8年間一直係PSG嘅防線基石,據報佢仲想留喺歐洲球壇多兩季。

包羅萬有,「體」得舒服,即Like「蘋果體育」FB專頁!
BannerBanner