求驗客手記:布雷西亞告巴神誹謗

更新時間 (HKT): 2020.06.15 02:20

意大利下游球會布雷西亞啱啱同前鋒巴洛迪利解約冇耐,上周五再發聲明向呢個永遠長唔大嘅「壞孩子」同佢經理人拉奧拿採取法律行動,原因係佢兩個向外界爆料話巴神喺隊內受到種族歧視,球會就隨即以涉及發放虛假資料同埋誹謗罪控告佢哋。布雷西亞嘅聲明咁講:「因為有人唔負責任咁向媒體發表不實同誹謗性嘅指控,球會將會被意大利足總延長審查。球會被我哋一名球員咁樣指責係可恥嘅誹謗,我哋已經搵咗律師向呢啲散播不實指控嘅人採取法律行動。」其實巴神效力布雷西亞期間多次缺操,激嬲咗會長施連奴,結果解約收場,佢嘅經理人拉奧拿就話巴神受到種族歧視,巴神亦喺ig story回應話拉奧拿講嘅全部都係真嘅。

包羅萬有,「體」得舒服,即Like「蘋果體育」FB專頁!
BannerBanner