求驗客手記:沙維:我想教巴塞呀!

更新時間 (HKT): 2020.07.05 02:20

巴塞隆拿呢期戰績唔掂,西甲榜首都冇埋,一月先上任嘅教練施迪安,更爆出同美斯唔妥;西媒就爆巴塞決定咗今夏換帥,話同名宿沙維傾掂,仲開夠540萬鎊年薪,季後就會返嚟教巴塞。家陣係卡塔爾球隊艾薩德主帥嘅沙維,其實一月已經吹到話可以接替華維迪,不過沙維嗰陣認為自己「未夠火候」而拒絕,但近期就轉晒口風:「我家陣最想做巴塞教練呀,等巴塞快快返正軌。」由於沙維曾同美斯、碧基呢啲老臣合作,相信佢哋都會想呢位西班牙名將返嚟。英國《每日郵報》就列出六大巴塞帥位人選,沙維以2.75倍大熱,睇嚟都似層層。

包羅萬有,「體」得舒服,即Like「蘋果體育」FB專頁!
BannerBanner