武漢肺炎|下周二重開網球場及跑道 運動教練轟政府無計劃與病毒共存

更新時間 (HKT): 2021.02.03 13:15
政府宣佈周四會重開運動場跑道及網球場等設施。資料圖片

武漢肺炎第四波疫情爆發後,政府一刀切封閉運動場所,體壇叫苦連天,封場近兩月終見曙光,政府周三宣佈,下周二(9日)起重開運動場跑道、網球場等戶外體育設施,惟場地使用者須遵守二人限聚令,到場亦要使用「安心出行」或登記個人資料紀錄行蹤。有長跑教練表示限聚令限制大班上課,無疑影響教學,暫時會以一對一訓練為主;另外足、籃球場重開無期,有籃球教練批評政府防疫措施缺乏邏輯,從沒計劃與病毒共存,動輒封場,「睬運動界都儍」。

過去一年政府以防疫為由多次封閉運動設施,體育界生計大受影響,多次促請政府盡快重開部分場所。政府周一透露會放寬措施,周三終公佈細節,當局指為讓市民「放鬆身心」,下周二起重開運動場跑道(只限緩步跑)、網球場和網球練習場、高爾夫球場、高爾夫練習場和練習草坪、草地滾球場、射擊場、射箭場、單車公園、騎術學校、無線電控制模型飛機場、海上活動中心、攀石牆、門球場、戶外乒乓球枱及戶外羽毛球場,但所有人士須遵守二人限聚令,此外,入場者須以手機掃瞄「安心出行」二維碼,或登記姓名、聯絡電話及到訪的日期及時間,場地員工每14天會接受病毒檢測。

雖然運動場重開,但國際田聯一級田徑教練徐弘泰指受限聚令及疫情影響,短期內不會急於重開長跑班,「大部份大班嘅長跑班喺第一波已經停,可能斷斷續續咁喺回落期間上過堂,但基本上大爆發就停晒,運動場開返,大家會睇定啲再上堂。」他指防疫措施無疑影響教學,而且對進階跑手而言,街跑訓練始終不如於運動場上課般理想,「有啲學生可能本身唔係跑開,目標只係提升體能,咁就未必需要運動場;但如果比較進階嘅跑手,佢哋嘅訓練課表可能需要較精準嘅距離,咁運動場就一定係最理想嘅選擇。」現時他以一對一訓練為主,並設計計劃予學生自行訓練,再由他們匯報表現。

當局一邊開放球場舉辦花市,卻不重開熱門的籃、足球場予人運動,籃球教練劉嘉豪不滿政府反應遲緩,從未計劃與病毒共存,「政府做嘢唔合邏輯,搵咁多人去封區檢測真係勞民傷財,我哋都同呢個嘅病毒都一齊咗成年喇,我哋係咪應該諗下點樣同佢共存呢?下下都一刀切去閂曬所有嘅運動設施,根本上就唔想做嘢。」他指業界多次強調隊際項目可以訓練個人技術為主,減少身體接觸,惟政府一直漠視體壇,「 年宵市場就幾千人,球場幾十人都唔得,而家香港籃球隊出去比賽前都冇練過波,(政府)根本冇同業界商討傾談,睬運動界都儍。」

-----------------------------

貸款過新年 即送新春大利是

恭喜發財大家都發財!

邦民送您新春大利是!只要喺2021年2月1日至2021年2月28日期間首次提取貸款,可即場獲基本獎賞現金高達港幣$3,500 及額外獎賞港幣$300現金大利是▲!

利用轉數快,仲可以實現貸款瞬間過數^,星期日都照批★!。

立即申請 : http://bit.ly/2UlZfUU

推廣期由2021年2月1日至2021年2月28日(包括首尾兩天)

須受條款及細則約束,詳情留意邦民日本財務(香港)網頁。

忠告:借錢梗要還,咪俾錢中介

放債人牌照號碼:1328/2020

查詢及投訴熱線:3199 1199

-----------------------------

《體蘋果》陪你睇波講波

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新:iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

包羅萬有,「體」得舒服,即Like「蘋果體育」FB專頁!
BannerBanner