求驗客手記:馬賽亂入貨波亞斯劈炮

更新時間 (HKT): 2021.02.04 02:00

法甲馬賽會方喺轉會窗關閉前引入咗一位教練波亞斯(圓)唔想要嘅球員,波亞斯嬲到喺記者會上宣佈已向球會請辭,馬賽其後發出聲明,話針對波亞斯喺記者會上嘅言論,即時將佢辭退咁話。事緣馬賽將中場辛臣賣畀阿士東維拉,喺轉會窗關閉前向些路迪借入尼查姆,波亞斯喺記者會話:「呢單交易我原先係拒絕嘅,我都係上網先知呢個消息。」佢繼續表示:「要搵一個替補,但兩人踢法完全唔同,我已向球會請辭,我唔要錢,淨係想走。」波亞斯仲話會方將塞爾維亞中場尼曼查拉當積外借去哈化柏林,佢都係啱啱先知,直斥球會喺轉會方面從來唔會問教練意見。

包羅萬有,「體」得舒服,即Like「蘋果體育」FB專頁!
BannerBanner