求驗客手記:格流「紅」爆最快本月封王

更新時間 (HKT): 2021.02.05 02:00
■謝拉特(左)離自己首個聯賽冠軍目標越嚟越近。

利物浦前隊長謝拉特喺2018年上任成為蘇超格拉斯哥流浪領隊後,執教頭兩季都飲恨得亞軍,直到今季終於造出一番好成績,家陣喺聯賽踢咗超過一半仲係未輸過,距離今季聯賽冠軍已經非常接近!周三格流就喺主場迎戰中游分子聖莊士東,靠伊亞尼斯赫傑一箭定江山全取三分。今季嘅格流喺蘇超勁到好似上季英超嘅利物浦咁,數字上只要再贏六場,就可以提早封王。

賽後格拉斯哥流浪喺聯賽以24勝3和嘅不敗戰績繼續排喺榜首,領先踢少2場嘅宿敵些路迪23分,呢場比賽仲要係謝拉特帶領格流152場比賽入邊嘅第100場勝仗,計番勝率嘅話仲高達65%。

如果好彩,些路迪之後落嚟幾場比賽都失分嘅話,咁格流捧起近10年嚟嘅首個聯賽冠軍,兼且謝拉特執教生涯嘅首座冠軍獎盃嘅日期,最快今個月成事都有可能。

包羅萬有,「體」得舒服,即Like「蘋果體育」FB專頁!
BannerBanner