Goal富帥:有前冇後里昂「大」特賣

更新時間 (HKT): 2021.02.05 02:00

周中重心摩納哥「大」順利命中,今次繼續專攻法甲;法甲入球「大」盤王當然首推摩納哥,不過里昂都一樣有前冇後,三叉戟都有雙位數入波,星期六主場對住唔識守嘅斯特拉斯堡,唔使問繼續「大」啦。

之前已經講過法甲今季平均入波增至2.74個,周中加開快車,難免影響體力,10場波「大」「細」各佔一半(以[2.5球]計),勉強收貨啦。周末繼續聯賽,識揀就梗係揀主場出擊嘅里昂。里昂主場已經入咗24球,僅次於巴黎聖日耳門(PSG)同摩納哥,11場當中,只有3場單場攻入2球或以下,其餘8場都入3球或上,即係話里昂好多時一場波順開,入波就連珠炮發。里昂攻力都好平均,迪比、卡迪韋尼、托高伊甘比前鋒三叉戟,咁啱都各入10球,而且後防又冇上季咁穩陣,特別係主場,都只係得三場冇失波,既然入得又失得,就當然揀「大」。

斯特拉斯堡位於中下游,都有搶分壓力,不過近況都幾麻麻,近3輪只得2分,今季作客強隊都慣咗過足癮輸,包括吞PSG四蛋,輸畀摩納哥2:3等,首循環對里昂又輸2:3,呢場都唔會「細」啦。

摩納哥都算係近期愛隊,不過下周日作客榜尾嘅尼姆就唔貼「大」,始終尼姆上仗先吞PSG三蛋,呢場實泊大巴;海外莊家開到摩納哥客W只得1.43,要讓到一球,都幾盡吓,摩納哥6場作客勝仗有5場只係小勝1球,敲吓「讓球主客和」「和局」都唔錯。

文:Goal進

截稿前馬會尚未開盤,盤口僅供參考,讀者記得留意足智彩網頁。

資料寶藏

1. 里昂今季11場主場聯賽,有8場總入球達3球或以上,開「大」比率達73%。

2. 費倫天拿自上年11月不敵賓尼雲圖後,已經連續六場主場不敗,當中取得2勝4和。

包羅萬有,「體」得舒服,即Like「蘋果體育」FB專頁!
BannerBanner