武漢肺炎|政府強推安心出行 健身教練:預咗等我哋叫苦連天先做

更新時間 (HKT): 2021.02.10 20:07
健身中心等體育場所有望下周四(18日)重開。資料圖片

政府今日傍晚宣佈因應武漢肺炎疫情緩和,下周四(18日)起有限度重開體育場所,惟使用者入場前須使用「安心出行」應用程式或登記個人資料,有健身教練指政府有預謀趁業界叫苦連天時乘機強推「安心出行」,他認為業界「冇得選擇」。

第四波疫情爆發至今,體育場所足足封場兩個多月,業界生計大受打擊,政府雖然撤銷封場令,卻引入極具私隱爭議的「安心出行」,健身教練Bruce無奈指政府有預謀趁百業蕭條之時推行此政策,「一開始已經知道政府係強迫我哋停業一段長時間,等我哋個個都叫苦連天嘅時候就會推出『安心出行』,一早預咗係咁,呢個時勢根本都冇得選擇,我相信大家冇得做運動咁耐都好想做,佢哋都唔介意用安心出行。」他透露疫情封場期間,有不少健身及瑜伽界同行已捱不下去,結業收場,他估計月中重開後,大家需時適應,生意要待三月中才能恢復正常。

另一邊廂球場重開在望,籃球教練劉嘉豪指十分歡迎開場決定,現時他多數與學生一對一授課,開場後球隊或能重新練習,但詳情視乎康文署場地安排。 過去新一波疫情爆發時,政府每每即時一刀切關閉運動場地,劉嘉豪認為今次放寬僅屬試驗,如疫情反覆,他對球場開放前景不樂觀,冀政府能聆聽業界聲音,「講真都第四波啦,佢之前都冇唔聽我哋講嘢架喇。」

-----------------------------

《體蘋果》陪你睇波講波

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

包羅萬有,「體」得舒服,即Like「蘋果體育」FB專頁!
BannerBanner