趣趣地:施丹開聲想教法國隊

更新時間 (HKT): 2021.02.15 02:00
施丹(左)、迪甘斯(右)

西甲皇家馬德里嘅主帥施丹承認,希望有朝一日可以返番法國,並擔任法國國家隊教練。不過佢同時表明呢個只係佢嘅目標,並唔代表自己好快就會「墮馬」下台喎。施丹接受訪問嗰陣時話:「呢個(擔任法國隊主帥)係我嘅目標。當我10年前開始擔任教練時已經講過,呢個係終有一日可能會發生嘅事。但我好享受家吓嘅一切,並將精神集中喺皇馬每日嘅工作。不過你永遠唔會知未來會發生咩事。」其實法國足總早前就講過,希望今年48歲嘅施丹,成為現任法國隊主帥迪甘斯嘅繼任人。施丹今季執教皇馬嘅成績只係平平,又咁啱佢同埋迪甘斯都會喺2022年約滿,令外界相信施丹最快喺下年就轉到份新工。

包羅萬有,「體」得舒服,即Like「蘋果體育」FB專頁!
BannerBanner