武漢肺炎|斥將安心出行責任推在體育場所上 向柏榮太太:政府真係好奸

更新時間 (HKT): 2021.02.20 06:30
向柏榮坦言再困難也要為學生撐下去。資料圖片

過去一年,特區政府一次又一次因疫情關閉健身室,關足近半年,連好打得的香港拳壇「轟炸機」向柏榮也掉下男兒淚,三間拳館白交租半年,向政府借貸過也解決不了每月3、40萬的租金,看在眼裡的向太Eva坦言,現在已行到賣樓套現的地步;年初七政府有條件重開包括拳館及健身室等在內的體育場所,半喜半憂的Eva鬧爆政府「好奸」:「佢哋將嘟『安心出行』嘅責任放在場所度,要我哋迫啲客嘟,遲啲一定又迫我哋業界打疫苗,政府真係好奸。」

不過,正如Eva所講,有得開舖比冇得開好,武肺過去一年,將香港運動業折騰得五勞七傷,健身室關閉由去年三月關到五月,七月關到九月,12月關到本周三,足足25周,半年冇工開,被迫白交租,前陣子向師傅接受傳媒訪問時感觸落淚,Eva看了也心痛:「我哋成家人都承受好大壓力,唔只係我同向師傅,兩個仔女,仲讀緊中學,見到想食嘅蛋糕、想要嘅嘢都唔出聲,一家人節衣縮食,唔買新鮮,買平啲食材。」

40歲的向師傅,2002年歷史性奪世界業餘泰拳大賽冠軍,之後奪獎無數,現有的三間拳館包括灣仔(03年開)、尖沙咀(05年開)及九龍灣(18年開),不久前才續租約,為了生計,向師傅同Eva都回到公園一對一教拳,近月將手上一層百幾呎蚊型樓出售,可惜未有聲氣,Eva說:「我哋所有流動資金已用晒,之前政府擔保借銀行百幾萬都用完,全部交晒租,蝕蝕埋埋都七位數。」Eva認為是被政府「彈出彈入」的政策害慘:「第四波我哋都冇開兩個幾月,確診數字咪又喺咁高企,你唔封關,我哋就被祭旗。」

本周四健身室重開,Eva坦言只有助士氣,但解不到舖租的燃眉之急,加上政府強制實施「安心出行」二維碼,只會加重同業負擔多過幫忙。

-----------------------------

《體蘋果》陪你睇波講波

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

包羅萬有,「體」得舒服,即Like「蘋果體育」FB專頁!
BannerBanner