武漢肺炎|甲一接近停擺兩年 梁兆華:覺得籃球好陌生

更新時間 (HKT): 2021.02.20 08:30
梁兆華(前)對上一次於修頓出賽已是19年之事,他嘆說如同白白浪費一年。資料圖片
(蘋果日報)

港超聯周六(20日)正式復賽,另一邊廂籃球壇卻如停滯不前,球壇每次計劃復賽又遇口罩令及新一波疫情爆發,甲一聯賽自19年年中落幕後停擺近兩年,最快四月才能開季,港隊臨近出征亞盃外依然未能練習更教人無奈,26歲的南華球員梁兆華嘆說白白浪費一年,幾乎忘記籃球員的身份。

去年年中籃總宣佈一刀切取消當屆甲一,新一季聯賽將不早於今年八月開季,籃壇群情洶湧不滿籃總過早判死刑,後來籃總決定甲一改於今年三月開鑼,惟疫情一波接一波,籃球場至今才剛剛重開,籃總日前宣佈待室內體育館正常開放後,預留六至八周予各隊訓練便會重啟銀牌和甲一,意味籃壇有機會於四月開鑼。球壇深陷寒冬一載,部份球員教練意興闌珊,梁兆華形容過去一年失去籃球如同白過,「呢一年嘅生活就係唔知有咩可以做,冇得打波、冇得做gym、冇得比賽,每一日就係起身瞓覺食嘢,好似白白浪費一年,尤其呢個年紀應該係運動員進步最快嘅時間。」過去多年他埋首籃球,可是他欷歔指現時幾乎忘掉曾經引以為傲的身份,「我生活少咗一樣嘢,尤其其他地區都打緊籃球比賽,有時上網見到佢哋有得打自己冇得打,更加覺得『有趣』,點解人哋做到但係香港做唔到?」

本來港隊月中會赴巴林出戰亞洲盃外圍賽,惟港隊賽前卻苦無練習場地和機會,賽事臨門一腳亦再次延期,梁兆華認為港籃可借鑑足球或體院做法,讓球員集中於同一地點訓練,「我哋去比賽至少都要有恆常嘅練習,香港咁大嘅地方,體院都可以話畀運動員留喺入面,既然香港球員要打國際賽,我覺得都可以參考人哋嘅做法。」

相對球場,泳池封場日子更長,游泳教練李健民指泳會運作完全停頓,他指不少行家已經轉行,學生方面,疫情初期他們仍會以Zoom作陸上訓練,惟後期人數漸少,他期望泳池盡快重開,泳界才能重上正軌。

-----------------------------

《體蘋果》陪你睇波講波

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

包羅萬有,「體」得舒服,即Like「蘋果體育」FB專頁!
BannerBanner