武漢肺炎|近兩個半月冇晚市堂食 前「七欖王子」3間拉麵舖蝕至少六位數

更新時間 (HKT): 2021.02.20 09:40
很少人會外賣拉麵,之前超過兩個月沒晚市堂食,令Ricky損失慘重。資料圖片

「其實由Day 1,我三間舖都安咗『安心出行」二維碼,家陣政府將責任掟畀我哋,喂政府,我唔係幫你打工喎,真係為做而做,之前封晒啲大廈,我又唔覺搵到好多case囉。」37歲的前香港「七欖王子」卓銘然(Ricky),2013年至今,在港、九、元朗開了3間〈拉麵Jo〉,之前冇晚市堂食接近兩個半月,損失至少六位數字,憑積蓄頂硬上,以為等到年初七恢復晚市,怎知政府將「安心」責任推在商舖身上,變相加重負擔。

去年中曾訪問Ricky有關疫情下的拉麵銷情,他當時表示三間店每月恆常支出也要100多萬元,生意跌近七成,去年12月初開始禁晚市堂食,更雪上加霜:「好少人會外賣拉麵,冇堂食對我哋打擊好大,是蝕住做,靠之前賺落嘅頂住,亦叫同事放無薪假或減薪幫手,比起最初只是限人數及社交距離,現在更艱難,之前業主都減少少租,但近期簽完新約後,業主又企番硬,所以做得好辛苦、好淒慘。」

政府於本月10日宣佈晚市堂食由初七起放寬至晚上10時,每枱四人,但客人必須入食肆前用「安心出行」,員工每14日做病毒檢測,若沒遵守條件,可被罰停業三至14日:「你現在一定要個客嘟『安心』,如果個客死都唔做呢?我報警?我唔做佢生意?要我得罪個客?仲有員工每14日要做檢測,如果有一兩個話要排隊做檢測,未能準時返工,咁我又要搵part-time幫手?為何政府將個波掟畀我哋呢?」

-----------------------------

《體蘋果》陪你睇波講波

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

包羅萬有,「體」得舒服,即Like「蘋果體育」FB專頁!
BannerBanner