趣趣地:英超球星溝酒啪丸上癮

更新時間 (HKT): 2021.02.22 02:00

唔少英超球星都好鍾意開派對(圖),過去呢年有唔少球星都俾傳媒爆出違反當地嘅防疫條例開P。英國《太陽報》上禮拜五就指出,有位英格蘭球星最近開咗個狂野派對,仲將一啲有強勁藥力嘅安眠藥溝埋酒一齊飲。據報道話,呢位英格蘭球星開P嘅時候,喺黑市入手咗一大批有強勁藥力嘅安眠藥佐匹克隆,溝埋名貴嘅香檳同伏特加一齊飲。其中一位隊友就話呢位球星已經食到上晒癮,仲私底下同佢講過話好辛苦,好擔心會影響到佢落場踢波。希望呢位身價不菲嘅球星自己識諗,唔好自毀前程啦。

包羅萬有,「體」得舒服,即Like「蘋果體育」FB專頁!
BannerBanner