球壇話當年|慨嘆本地體壇不受關注 Goal3創辦人:香港有好多寶藏

更新時間 (HKT): 2021.02.28 07:10
Gary慨嘆香港體記想出一分力,卻要面對本地體壇新聞價值不高的事實。

掀開一份報章體育版,幾可肯定是英超為主;繙譯一段曼聯新聞也肯定比派員採訪本地消息得到更多點擊率。Gary為足總工作期間,認識到很多體育記者,他慨嘆香港體記想出一分力,卻要面對本地體壇新聞價值不高的事實。

Gary接觸過很多體育記者,好拍擋李恆基也當了很多年體記,他說:「香港體記好有heart,唔係為錢,當然都要生活啦,但佢哋做啲嘢,係想幫本地波,幫本地體育。」他跟體記開始熟絡後,有時報章用不到的相片,會放上「Goal3」,他說:「影完啲相,報紙都用唔到,嘥咗,咁不如靜雞雞畀我貼喺forum啦。」他舉列說明,香港與日本傳媒對待體育新聞的分別,「唔知嗰次對日本咩隊,清水心跳定係乜。」一位本身是體記的「Goal3」活躍會員,把一張公司沒有用到的相片放上「Goal3」,結果Gary又收到電話,「唔知朝日新聞定乜,唔知佢又點樣有我電話,講中文嘅,問我可唔可以拎走張相。」

Gary據理力爭,「我話張相我哋自己影㗎喎,佢就話因為張相同佢哋嗰張有九成似,咁我咪拎走佢算囉。」Gary認為,接近一樣的相片,日本大報與香港報章有不同的對待,「你諗吓張相,朝日新聞可以用到,係好pro嘅,寶藏嚟,點解香港報紙冇出到呢?日本都幾重視呢個賽事,唔知頭版定點,我覺得成件事幾可惜囉。」

他又想起為足總工作時,港足對外隊的情況,「啲記者影team photo多數影外隊,港隊冇人影。嘩咁肉酸,我就去影港隊。冇辦法,港隊可能新聞價值唔係咁高,做傳媒都要交功課。」

-----------------------------

《體蘋果》陪你睇波講波

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

包羅萬有,「體」得舒服,即Like「蘋果體育」FB專頁!
BannerBanner