周三日職賽事，衞冕嘅川崎前鋒主場對大阪櫻花。今場兩度落後嘅前鋒，靠住李安度達美奧省兩粒，加上三笘薰下半場建功，就算今季回歸櫻花嘅38歲老將大久保嘉人梅開二度，都依然難阻前鋒3:2反勝櫻花。
前鋒開賽5分鐘就先失一球，大阪櫻花靠住一次反擊，今季回歸櫻花嘅老將大久保嘉人喺右路接應隊友傳送後，再喺禁區外起腳笠死前鋒門將先開紀錄。不過領先嘅櫻花唔夠2分鐘就被追平，李安度達美奧喺禁區內接應山根視來傳中撞射成1:1。22分鐘，大久保嘉人再喺尾柱混戰中破網，開季兩場攻入3球，仲將自己喺日職嘅入波數字增加到188球，幫櫻花半場領先2:1。
換邊後3分鐘，山根視來喺右路傳中，再次由達美奧頭槌頂成2:2。追和咗嘅前鋒繼續圍住櫻花嚟踢，去到62分鐘再由三笘薰射入反超前嘅一球，幫助球隊3:2險勝櫻花全取三分。
同日嘅名古屋鯨魚主場迎戰大阪飛腳賽事，竟因為客隊飛腳有多達5位職球員感染武漢肺炎嘅關係，所以日職賽會宣佈賽事取消，將會擇日再戰。
-----------------------------
新一年要學識理財呀
你不理財，財不理你，新一年邦民會繼續成為你財政上嘅強大支援！只要喺2021年3月1日至2021年3月31日期間新客戶首次提取貸款，可即場獲賞現金高達港幣$3,500▲！
利用轉數快，即使足不出戶，都可以實現貸款瞬間過數^，星期日都照批★！。
推廣期由2021年3月1日至2021年3月31日(包括首尾兩天)
須受條款及細則約束，詳情留意邦民日本財務(香港)網頁。
忠告：借錢梗要還，咪俾錢中介
放債人牌照號碼：1328/2020
查詢及投訴熱線：3199 1199
-----------------------------
《體蘋果》陪你睇波講波
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS / Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！