殘奧馬術|期待首度亮相團體賽 謝佩婷難忘倫奧鴉雀無聲

更新時間 (HKT): 2021.03.06 06:30
謝佩婷(圖)大賽經驗豐富,曾經出戰12及16年的殘奧會。香港殘奧會相片

過去兩屆殘奧香港馬術隊獨謝佩婷一人出賽,眼見其他隊伍人多勢眾,有講有笑,謝佩婷直言羨慕,不過今屆港隊三人並肩躋身殘奧,港隊首次組隊參加團體賽,謝佩婷再非孤身上陣,終於圓夢。

謝佩婷14歲被發掘加入港隊,12年她即摘下倫敦殘奧入場券,以15歲之齡成該項目歷年最年輕參賽選手,初生之犢入大觀園,當年比賽畫面她至今歷歷在目,「當時係完全唔知奧運點運作,對手水平又唔知,所以當時我係超級緊張,英國觀眾好守紀律,落到場係一粒聲都聽唔到,搞到我同教練又緊張,連隻馬都好緊張,因為人聲又冇,馬聲都冇。」她指16年里約殘奧氣氛截然不同,觀眾熱情嘈吵,其表現亦受影響。謝佩婷的殘奧排名積分排亞洲第二,順利三度征奧,今次更有好友曾靝賜和鐘美娟結伴組隊出賽,謝佩婷指有如夢想成真,「我好想有一隊同我一齊去,呢個夢想我想咗好多年,因為我見到殘奧其他朋友可以一隊十幾人一齊去,嘻嘻哈哈幾開心。」謝佩婷似識途老馬,曾靝賜則初戰殘奧,其排名積分排亞洲第四,本未能入奧,但受惠排第一的新加坡騎手以團體賽資格入圍,他得以摘下亞洲區最後一席,他表示得知獲參賽資格時心情愕然,「我心諗點解會攞到嘅,努力咗咁多年,呢份係畀我最好嘅禮物。」問他對東京殘奧有何期待,曾靝賜靜想片刻,在旁的謝佩婷與他老友鬼鬼,連番細說「食壽司、食壽司呀」,曾靝賜頓一頓笑道,「我好想去體驗一下究竟踏足賽場嘅時候,成個環境會係點呢。」

-----------------------------

《體蘋果》陪你睇波講波

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

包羅萬有,「體」得舒服,即Like「蘋果體育」FB專頁!
BannerBanner