求驗客手記:卡斯拿斯12年愛情童話幻滅

更新時間 (HKT): 2021.03.14 02:00

前西班牙鋼門卡斯拿斯,2010年贏世界盃冠軍嗰時接受體育記者兼女友莎拉訪問嘅時候,突然之間喺鏡頭面前上演咗世紀一吻(下圖),成為咗世界盃嘅經典一幕。呢對金童玉女喺2016年結婚,佢哋兩個曾經經歷過唔少難關,2019年卡斯拿斯曾經喺訓練中心心臟病發,莎拉之後亦都確診過卵巢癌,兩個人都陪住大家直至好返為止,非常浪漫。

原本外界一直都睇好佢哋呢段故事可以延續落去,但近期外媒一度傳出佢哋分手嘅消息,終於喺上星期五晚,兩個人喺ig上面po咗張黑白合照,正式宣佈分開,結束長達12年嘅感情。佢哋話呢個決定係雙方共同做出嘅決定,佢哋亦都會繼續做好父母嘅工作去照顧仔仔。據報卡斯拿斯嘅財產多達3.5億歐元,所以預料莎拉會分到唔少身家,但呢個愛情童話未能夠終老,實在令人惋惜。