趣趣地:連格、梳爾、史東斯重返英軍

更新時間 (HKT): 2021.03.19 02:00

3月尾將會出戰世界盃外圍賽嘅英格蘭國家隊,領隊修夫基周四公佈23人大軍名單,焦點落喺近期喺曼聯、曼城同韋斯咸表現出色嘅勞基梳爾、史東斯同連格(圖)身上,三人再次回歸國家隊,另外西布朗門將森莊士東同阿士東維拉前鋒奧尼屈堅斯就首次入選。效力德甲多蒙特嘅祖迪比寧咸,國際賽後返德國恐怕要隔離14日,但修夫基仍然將佢放入大名單,狀態低沉嘅三獅常客、利物浦右閘阿歷山大阿諾特就落選。英格蘭嚟緊將會喺世盃外對聖馬力諾、阿爾巴尼亞同波蘭。另外,曾經入選英軍但冇上陣過嘅30歲韋斯咸前鋒米查利安東尼奧,決定放棄代表英格蘭國家隊,改為代表父母出生地牙買加出戰國際賽。

包羅萬有,「體」得舒服,即Like「蘋果體育」FB專頁!
BannerBanner