歐聯8強抽籤|讚利物浦踢盃賽有衝勁 鄭兆聰睇好英超三雄齊晉級

更新時間 (HKT): 2021.03.19 20:38
利物浦再入歐聯八強,鄭兆聰認為紅軍近況雖然不佳,但勝在踢盃賽有衝勁。資料圖片

歐聯八強今晚(周五)抽籤,英超代表曼城、車路士和利物浦分途出賽,足球評述員鄭兆聰看好三隊攜手躋身四強,他認為利物浦近況雖差,但勝在「踢盃賽有衝勁」,只要前線三叉戟發揮得宜,有力擊敗「歐聯之王」皇家馬德里。

利物浦與皇家馬德里狹路相逢,上演前年決賽翻版,鄭兆聰指兩隊近況平平,四組對碰中以此最為均勢,「皇馬經驗十足,但今年差咗,兩隊近況差唔多,皇馬都係靠賓施馬或者死球入波;利物浦問題一樣,但佢哋始終踢盃賽有衝勁,皇馬面對財政問題,有好多人未續約,我睇唔到佢哋嘅決心。」他續指如利物浦前線三叉戟與中場踢出水準,能向皇馬施加一定壓力。

八強另一焦點為衛冕的拜仁慕尼黑鬥上屆決賽飲恨的巴黎聖日耳門,鄭兆聰指拜仁保持霸氣,技高一籌,「八隊入面有兩隊超班,一隊係曼城,一隊就拜仁,佢哋保持到上季踢法同霸氣,但巴黎嘅尼馬傷咗好耐,及時重拾狀態成疑,有少少蝕底。」此外,他亦看好曼城及車路士能分別晉級,他指前者人腳較多蒙特優勝,加上教練哥迪奧拿曾執教拜仁慕尼黑,非常了解宿敵多蒙特;由杜曹帶領的車路士踢法雖不華麗,惟鄭兆聰指車路士勝在「穩陣」,他指如車路士不輕敵、小心應戰,出線機會較大,「大家咬住踢,我覺得車路士會一球半球上落淘汰波圖。」

-----------------------------

《體蘋果》陪你睇波講波

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

包羅萬有,「體」得舒服,即Like「蘋果體育」FB專頁!
BannerBanner