趣趣地:拿樸達就職禮公開留美斯

更新時間 (HKT): 2021.03.20 02:00
拿樸達

拿樸達再次當選巴塞隆拿會長,星期三會方舉行咗就職典禮。上年美斯去留問題搞到滿城風雨,拿樸達上任後嘅首要任務就當然係說服美斯留隊,喺典禮上面拿樸達發言時指住美斯講:「我會盡一切努力阻止你離隊,你知道巴塞好愛你㗎。如果你喺滿座嘅魯營球場上面比賽,你就唔會想走㗎啦。」場內其他觀眾就即刻拍手支持,美斯就輕輕點頭示意。另外,拿樸達亦都提到即使巴塞早早喺歐聯16強出局,令到球隊財政狀況未能改善,球會仍然支持教練朗奴高文。